من نحن: قصة لعبة قولها

رؤيتنا

قولها لعبه عربيه جماعيه صنعناها عشان نخلي اللمه احلى ونجمع الناس حول تحدي ممتع وذكي.

نبي كل مجلس فيه قولها يصير له قصه، ضحك، تنافس، ولحظات ما تنسى بين الربع والعايله.

مهمتنا

نقدم تجربه لعب عربيه ١٠٠٪، بدون تعقيد، بدون حواجز.

بطاقة، شرط، ٣٠ ثانيه، وأنت وذكاءك. هدفنا نخلي اللعب اللي يجمع الناس جزء من يومك، سواء في الديوانيه، البيت، السفره، او اي مكان تنلم فيه مع اللي تحب.

ما نقدمه

لعبه قولها كلها:

• ٦٠ بطاقة فيها سؤال وشرط، ما في جواب واحد صح، اي كلمه تنطبق على الاثنين تفوز
• ٤ وسايل مساعده تقلب اللعبه: دوبلها، الحفره، الحاجز، والصمت
• مكتبه اسئله متنوعه، من الثقافي للترفيهي، من السهل للصعب
• لعبه يلعبها الكل من سن صغير لكبير

كل بطاقة تنحط بعنايه عشان كل جوله تحس فيها بشي جديد.

قيمنا

• المرح اولا: نؤمن ان اللعب جزء اساسي من الحياه ومن العلاقات
• البساطه: قاعده وحده، تجربه وحده، متعه ما تنتهي
• الجوده: كل تفصيله في التطبيق مدروسه، من البطاقة للوسيله للتصميم
• الجمع: قولها يجمع الناس مو يفرقهم، لعبه يلعبها الكل بدون استثناء
• الهويه: لعبه عربيه بكل تفاصيلها، من الاسئله للروح

ليش قولها؟

لان ما في وقت للتعقيد. قولها لعبه تتعلمها في دقيقه وتلعبها لساعات.

مو محتاج عداد نقاط، مو محتاج اوراق وقلم، مو محتاج تشرح القانون عشر مرات. تفتح التطبيق، تختار أسماء اللاعبين، وتبدأ.

البطاقة تنقرا، الوقت يبدا، واول واحد يقول جواب صح يفوز.

تواصل معنا

نحب نسمع منك، اي ملاحظه، اقتراح، او حتى فكره لبطاقة جديده.

الايميل: info@goulha.app الموقع: goulha.app