قولهاالأسئلة الشائعة عن لعبة قولها
كل شي تبي تعرفه عن قولها: القوانين، وسائل المساعدة، الشراء والدفع، والحساب.
اللعبه
شلون العب قولها؟
تنكشف بطاقة فيها سوال وشرط، كل الاعضاء يتسابقون. منو يقول الجواب الصح اول بصوت عالي يربح 3 نقاط!
كم لاعب يلزم للعب؟
تقدر تلعب لاعبين اثنين او فريقين. ما في حد اقصى للافراد في كل فريق.
ما في جواب وحد صح؟
صح! اي كلمه حقيقيه تنطبق على السوال والشرط تعتبر جواب صح. المهم إنها كلمه حقيقيه وتطابق الشرطين.
شلون اثبت اني جاوبت اول؟
تقول الجواب بصوت عالي، اللاعب الثاني او حكم المجموعه يضغط زر اسمك للتاكيد.
كم مدة اللعبه؟
اللعبه 60 بطاقة والوقت الافتراضي 30 ثانيه للبطاقة. تقدر تغيره من 5 الى 60 ثانيه قبل اللعبه.
ايش يصير لو خلص الوقت؟
البطاقة تطير، ما احد يربحها وتجي بطاقة جديده. ما في خسارة نقاط.
شلون افوز؟
اللي عنده اكثر نقاط بعد 60 بطاقة يفوز. لو تعادل، ما في فايز
وش هي فئات الأسئلة؟
27 فئة: معلومات عامة، اسماء، حيوانات، جماد، نبات، دول، الكويت، اكل، مشروبات، مطاعم، العاب، كرة، رياضة، منتجات، ماركات، افلام ومسلسلات، مسرحيات، اغاني، مشاهير، سيارات، الوان، اماكن، ملابس، تكنولوجيا، رمضان واعياد، قرآن، كرتون. تقدر تختار حتى 6 فئات، او تسوي "عام" وتسحب من الكل.
وش انواع شروط البطاقة؟
5 انواع: يبدأ بحرف، ينتهي بحرف، يحتوي على حرف، لا يحتوي على حرف، وعدد أحرف محدد (من 3 الى 10 احرف).
وسائل المساعده
كم وسيله اختار؟
كل جانب يختار حتى 3 وسائل من 4 خيارات قبل اللعبه. كل وسيله تستخدم مره وحده طول اللعبه.
شلون اشوف شرح الوسيله اثناء اللعبه؟
اضغط مطول على اي وسيله (ثانيه وحده) وراح يطلع شرحها الكامل ووقت استخدامها.
دوبلها، شلون تشتغل؟
اضغطها قبل ما تجاوب في البطاقة الحاليه. لو جاوبت صح تاخذ 6 نقاط بدال 3. لو المنافس جاوب قبلك او خلص الوقت، تضيع الوسيله.
الحفره، شلون تشتغل؟
الوحيده اللي تقدر تستخدمها في اي وقت، حتى بين البطاقات. تخصم 3 نقاط من المنافس فوراً. الحد الادنى صفر.
الحاجز، شلون يشتغل؟
اضغطه لما تحس ان البطاقة سهله على المنافس، لو جاوب صح ياخذ 1 نقطه بس بدال 3. لازم تضغطه قبل ما يجاوب.
الصمت، شلون يشتغل؟
اضغطه قبل ما يجاوب المنافس. زر جوابه ينغلق 10 ثواني مع عداد تنازلي. استخدمه عشان تفكر بالجواب وما تخاف يسبقك.
ايش احسن وسيله؟
يعتمد على موقفك! الحفره أفضل لو تبي تهاجم. دوبلها لو واثق من الجواب. الحاجز لو البطاقة سهله على المنافس. الصمت لو محتاج وقت عشان تفكر.
الشراء والدفع
هل اللعبه مجانيه؟
اول لعبه مجانيه بالكامل! بعدها تحتاج تشتري باقه. الباقات تبدا من 2.5 KWD.
شلون اشتري العاب؟
روح تاب "العابي" واضغط "اشتري العاب"، اختار الباقه وادفع بأمان عبر Tap Payments (كي نت، فيزا، مدى، Apple Pay).
ما هي الباقات المتوفره؟
6 باقات: لعبه (2.5 KWD)، لعبتين (4.5 KWD)، 3 العاب (6.75 KWD)، 4 العاب (8.5 KWD)، 5 العاب (10 KWD)، 10 العاب (19 KWD).
شلون ارسل هديه لصديقي؟
روح "العابي" ثم "هدايا" ثم "اشتري هديه" ثم اختار عدد العاب ثم ادفع ثم احصل على كود مكوّن من ٨ خانات (مثل G1YKW2M9) وارسله لصديقك!
شلون استبدل كود هديه؟
روح "العابي" ثم "هدايا" ثم "استبدل كود" ثم ادخل الكود ثم تضاف العاب لحسابك فوراً!
تقني وعام
هل اللعبه تشتغل بدون انترنت؟
نعم! بعد ما تفتح اللعبه مره وحده بانترنت، البطاقات تنحفظ على جهازك تلقائيا.
شلون اغير كلمة المرور؟
روح "حسابي" ثم "الحساب" ثم "تغيير كلمة المرور".
نسيت كلمة المرور؟
اضغط "سجل دخول" ثم "نسيت كلمة المرور" ثم ادخل ايميلك وراح يوصلك رابط الاسترجاع.
هل الموقع متوفر؟
نعم! goulha.app يشتغل على اي متصفح، موبايل او كمبيوتر.
قولها وقولبها نفس الشي؟
لا، لعبتين مختلفتين تماماً من شركتين مختلفتين. قولها لعبة سباق كلمات: بطاقة فيها سؤال وشرط حروف، ومنو يقول كلمة صحيحة تحققهم أول يربح. قولبها لعبة ثانية بفئات أسئلة عامة أكبر. تأكد إنك بموقع goulha.app الصحيح قبل الشراء. شوف المقارنة الكاملة
شلون اتواصل معكم؟
روح "حسابي" ثم "تواصل معنا" او راسلنا على انستغرام goulha.app@ او ايميل info@goulha.app
ما لقيت جوابك؟ تواصل معنا وبنرد عليك قريبًا.