قولهاقوانين لعبة قولها: شلون تلعب؟
لعبة سباق: البطاقة تنكشف وكل الناس يتسابقون. منو يقول الجواب الصح أول يربح!
ما في جواب واحد صح. أي كلمة حقيقية تنطبق على السؤال والشرط تعتبر جواب صح.
أنواع الشروط الخمسة وأمثلة عليها
- السؤال: شي موجود بالمطبخ · الشرط: يبدأ بحرف. ثلاجة وثوم صح، فرن (يبدأ بـ ف) غلط.
- السؤال: اسم بلد · الشرط: ينتهي بحرف. الكويت وليبيا صح، مصر (ينتهي بـ ر) غلط.
- السؤال: اسم حيوان · الشرط: يحتوي على حرف. نمر وحمار صح، قطة (ما فيها الحرف المطلوب) غلط.
- السؤال: اسم فاكهة · الشرط: لا يحتوي على حرف. موز وتفاح صح، برتقال (فيه الحرف الممنوع) غلط.
- السؤال: اسم مشهور · الشرط: عدد الأحرف. نيمار وبرونو صح، رونالدو (7 أحرف) غلط.
فئات الأسئلة الـ27
الافتراضي «عام» يسحب من كل الفئات مخلوطة، وتقدر تختار حتى 6 فئات محددة قبل الجولة:
- معلومات عامة
- اسماء
- حيوانات
- جماد
- نبات
- دول
- الكويت
- اكل
- مشروبات
- مطاعم
- العاب
- كرة
- رياضة
- منتجات
- ماركات
- افلام ومسلسلات
- مسرحيات
- اغاني
- مشاهير
- سيارات
- الوان
- اماكن
- ملابس
- تكنولوجيا
- رمضان واعياد
- قرآن
- كرتون
القوانين
الحكم ⚖️
قبل ما تبدون، اختاروا شخص "حكم" - يمسك الجوال، يقرأ البطاقه بصوت عالي، ويقرر منو صاح الجواب اول ومنو الفايز في كل بطاقه. قرار الحكم النهائي، بدونه ما تصير اللعبه!
السباق
اللعبه سباق، البطاقه تنكشف وكل الناس يتسابقون. منو يقول الجواب الصح اول يربح 3 نقاط!
شلون تثبت فوزك
اللي جاوب صح يقول الجواب بصوت عالي، الحكم يضغط الزر الصح للفريق اللي فاز بالبطاقه. ما في جهاز يسمع الصوت تلقائيا.
اللعب بالمجموعات
بالمجموعات، ابدوا من اقصى اليمين بكل فريق. كل بطاقه، لاعب من كل جهه يتحدى الثاني والباقي يسكتون. لو الفرق مو متساويه، الاقل يعيدون من اول لاعب والاكثر يكملون.
الوقت
الوقت الافتراضي 30 ثانيه للبطاقه. تقدر تغيره قبل اللعبه. لو خلص الوقت البطاقه تطير وما احد يربح نقاط.
الفوز
كل بطاقه = 3 نقاط (او اكثر/اقل بالوسائل). اللعبه 60 بطاقه. اللي عنده اكثر نقاط يفوز. تعادل؟، ما في فايز
ايقاف مؤقت
اضغط ‖ في اي وقت لتجميد الوقت، اضغط ▷ للاستمرار. يفيد لو جاء موقف طارئ او نقاش.
وسائل المساعدة
كل جانب يختار حتى 3 وسائل قبل اللعبة، كل وسيلة تستخدم مرة وحدة طول اللعبة. اضغط مطوّل على أي وسيلة أثناء اللعبة وبتشوف شرحها ووقت استخدامها.
| الوسيلة | متى | الشرح |
|---|---|---|
| دوبلها | قبل ما تجاوب انت | اضغطها قبل ما تجاوب بالبطاقه الحاليه. لو جاوبت صح تاخذ 6 نقاط بدال 3. لو المنافس جاوب قبلك او خلص الوقت، ما تنفع وتضيع الوسيله. مخاطره تستاهل! |
| الحفره | في اي وقت | الوحيده اللي تقدر تستخدمها في اي وقت، حتى بين البطاقات. تخصم 3 نقاط من المنافس فورا. الحد الادنى للنقاط صفر. |
| الحاجز | قبل ما يجاوب المنافس | اضغطه لما تحس ان البطاقه سهله على المنافس، لو جاوب صح ياخذ 1 نقطه بس بدال 3. لازم تضغطه قبل ما يجاوب. |
| الصمت | قبل ما يجاوب المنافس | اضغطه لتجمد المنافس 10 ثواني، زر جوابه ينغلق ويظهر عداد تنازلي. استخدمه عشان تفكر بالجواب وما تخاف يسبقك. |